Golfhermar GKG eru góður valkostur fyrir alla hvort sem ætlunin er að æfa, spila nokkrar holur eða setja upp mót fyrir vini eða viðskiptavini og nota þá fleiri en einn golfhermi samtímis. Allt umhverfið er til fyrirmyndar og eru tjöldin sem slegið er í hönnuð með tilliti til hljóðvistar. 

Radarinn er sá nákvæmasti á markaðnum í dag, TrackMan 4 Dual radar sem nemur öll högg, þar með talið lág vipp og pútt. Með TrackMan fylgir TrackMan Performace Studio (TPS). TPS notar maður við æfingar og getur maður nálgast allar tölfræðilegar upplýsingar um högginn sem framkvæmd eru, bæði hráar gagnaupplýsingar sem og í grafískri framsetningu. Að sjálfsögðu sést boltaflugið líka.

Í stað hefðbundinnar æfingabrautar þá er hægt að velja sér staðsetningu á frægum golfvelli og æfa högg sem þeir bestu glíma jafnan við í mótaröðunum. Kylfingar sem vilja leika 9 eða 18 holur geta leikið fjölmarga glæsilega golfvelli í hágæða grafík. Trackman Virtual Golf 2, hefur hækkað rána hvað varðar upplifun kylfinga innandyra, þetta er það næsta við að vera utandyra og spila! Smelltu hér til að sjá þá velli sem eru í boði. Meðan á leik stendur þá geturðu skoðað 8 mismunandi tækniupplýsingar eftir hvert högg, s.s. kylfuhraða, kylfuferil, spuna, og margt fleira.