Heimilisfang
Velja afhendingarmáta
Höfundur: Bertil Marklund

10 ráð til betra og lengra lífs – einföld ráð um mataræði, hreyfingu og heilbrigðar venjur, félagslega þætti og hugarfar. Öfgalaus ráð sem geta bætt lífið og lengt það um heilan áratug. Hvernig er hægt að auka vellíðan sína þegar árin færast yfir og fjölga góðum æviárum? Það er miklu meira undir okkur sjálfum komið en margir halda.

Læknirinn Bertil Marklund missti báða foreldra sína fyrir aldur fram og fór að velta því fyrir sér hvort hann gæti gert eitthvað til að auka lífslíkur sínar og lífsgæði, jafnvel unnið gegn erfðatengdum sjúkdómum. Það kom honum ánægjulega á óvart að uppgötva að rannsóknir á ólíkum sviðum sýna að góð heilsa ræðst miklu fremur af lífsstíl en erfðaþáttum. Við getum sjálf haft heilmikil áhrif á hvernig við eldumst.

Bertil Marklund er prófessor við Gautaborgarháskóla og hefur starfað sem læknir í um fjóra áratugi. Hann hefur um árabil leitast við að þróa einföld og góð ráð til að efla heilsuna og stuðst við bestu vísindalega þekkingu hverju sinni.

Halla Kjartansdóttir þýddi bókina.

2.990 kr.
Afhending