Um Orkunudd og djúpslökun

Orkunudd er mjög öflugt og djúpt nudd þar sem gengið er með fullan líkamsþunga á stærstu vöðvum líkamans. Notuð er svokölluð Decompression - tækni  sem er sérstaklega hugsuð fyrir stífa og sterka vöðva eins og íþróttafólk og hins vegar Detox-tækni sem er meira fyrir óhreyfða vöðva.  Mikil pressa er notuð  á lærum og rassvöðva, en fætur notaðir með annars konar tækni á hendur, bak og axlir. Eftir þetta kröftuga nudd sem losar um vöðvabólgu og spennu mun djúpslökun með HBS tækni margfalda áhrifin frá Orkunuddinu og gera þessa upplifun mjög einstaka og magnaða.

 Hvað gerir Orkunudd

• Orkunudd eflir starfssemi líffæranna
• Gerir alla úrvinnslu kröftugri eins og á meltingu og endurnýjun.
• Nuddið  eykur brennslu og súrefnisinntöku.
• Það mýkir vöðva og gerir líkamann léttari og liðugri.
• Ýtir óhreinindum úr vöðvunum, detoxun.
• Dregur úr verkjum og óþægindum í vöðvum og liðamótum.

Hvað gerir djúpslökun 

Notuð er sérstök slökunaraðferð með tónum og snertingu sem gefur djúpa slökun sem hefur mjög mikil róandi áhrif á ósjálfráða taugakerfið og aðstoðar líkamann við að vinna úr þreytu streitu og vanlíðan. Nánari upplýsingar um nuddið og starfsemi Guðbjargar Óskar má sjá inná www.osk.is 

Guðbjörg Ósk Friðriksdóttir

Í öll þau ár sem ég hef kennt Yoga, ýmis námskeið til sjálfsþroska, Detox-námskeið í Hvalfirði og unnið sem þerapisti og ráðgjafi hef ég lært og séð að allir geta lifað draumalífinu sínu, sama hvaða bakgrunn, uppeldi eða vandamál, sjúkdómar eða áföll kunna að hafa komið upp á lífsleiðinni. Það er mín dýpsta þrá að kenna og hjálpa fólki að læra að elska sjálfa sig og finna tilgang og lífsþrá, blómstra og njóta samskipta við sjálfa sig og aðra og umfram allt eiga hamingjusamt líf.